You cannot be serious!: 2011

नेपाली समाजमा विवाहलाईर् महत्वपूर्ण कार्य मानिन्छ । परापूर्व कालदेखि नै विवाहको विशिष्ट महत्व छ । यसलाईर् महत्वपूर्ण उत्सवका रूपमा मनाइन्छ । विवाहका बेला दुलहा तथा दुलही दुवैका घरमा एक प्रकारको रौनक छाउँछ । परिवार तथा इष्टमित्रहरू सबै व्यस्त हुन्छन् । विवाहमा धेरै काम हुने भएकाले पहिलेदेखि नै सजगता अपनाउनुपर्छ । समयमै सजग भइएन भने लज्जास्पद अवस्था आउन सक्छ । त्यसैले विवाहको तयारी योजनाबद्ध रूपमा गर्नुपर्छ । योजनाबद्ध तयारी गरियो भने जीवनभर यसको सम्झना रहन्छ । सानो त्रुटिले पनि विवाहको सम्झना नमीठो बनाइदिन्छ । विवाहको तयारीका लागि कम्तीमा पनि २-३ महिनाको समय चाहिन्छ । कहिलेकाहीँ यही समय पनि कम हुनसक्छ ।

विवाहको मिति

सबैभन्दा पहिले ज्योतिषीसँग सल्लाह गरी विवाहको मिति तय गर्नुपर्छ । विवाहको समयमा विभिन्न दोष हुन सक्छन्, तिनलाईर् पनि बेवास्ता गर्नु हुँदैन । नयाँ जीवनको सुरुवात शुभ घडीबाट गर्नुपर्छ ।

विवाहको बजेट

विवाहको हरेक काममा खर्च हुन्छ । त्यसैले आफ्नो शक्तिअनुसार खर्च गर्नुपर्छ । आवश्यक कुराको पहिचान गरी बजेट बनाउनुपर्छ । बजेटलाईर् फाइलमा टिपोट गर्नुपर्छ । जरुरी तथा वैकल्पिक कुराहरूको सूची तयार गर्नुपर्छ । कुन शीर्षकमा कति खर्च भयो त्यसको हिसाब पनि राख्नुपर्छ । आफूसँग कति पैसा बाँकी छ त्यसको पनि हिसाब राख्नुपर्छ ।

कुरा छिन्ने

यो विवाहको पहिलो औपचारिक काम हो । यो कार्यक्रममा दुलहा तथा दुलहीबीच सगुन तथा औंठी साटासाट हुन्छ । औंठी खरिद गर्नुभन्दा पहिले औंठीको नाप लिनुपर्छ ।

पाहुनाको सूची तयार

पाहुनाको सूची तयार गरी विवाह कहाँ, कसरी गर्ने, खाना कहाँ बनाउने आदि निश्चित गर्नुपर्छ । पाहुनाहरूको ठेगाना र फोन नम्बर पनि टिप्नुपर्छ । पाहुनाहरूको नाम दोहोरिन नदिन ध्यान पुर्‍याउनुपर्छ ।

सेवाग्राही संस्थाहरूको जानकारी

क्याटरिङ, फोटोग्राफर, भिडियोग्राफी, डिजे, ब्यान्ड आदि सबैको जानकारी लिएर रकमको जोहो गर्नुपर्छ । यसो गर्दा कुनै समस्या आउन पाउँदैन । सबै सेवाग्राही संस्थासँग कुरा गरी फाइनल गर्नुपर्छ । अगि्रम भुक्तानी गर्नु हुँदैन । एगि्रमेन्ट बनाई साइन गराउनुपर्छ ।

विवाह हुने ठाउँ

ववाह हुने ठाउँले पनि महत्वपूर्ण भूमिका खेल्छ । विवाह कुन विधिले गर्ने त्यहीअनुसार ठाउँ निश्चित गर्नुपर्छ । विवाह गर्ने ठाउँ विवाहको मिति निश्चित भएपछि हेर्नुपर्छ । विवाह गर्ने ठाउँमा सिटिङ एरेन्जमेन्ट, संगीत, पार्किङ आदि हरेक कुरा उपयुक्त हुनुपर्छ । पाहुनाहरू सजिलै आउन सक्ने ठाउँ रोज्नुपर्छ ।

क्याटरिङको व्यवस्था

खानाको व्यवस्था राम्रो भएन भने विवाह समारोह नै खल्लो हुन्छ । त्यसैले विवाहमा खानाको मेनुमा विशेष ध्यान दिइन्छ । त्यसैले विवाहमा पार्टी दिन होटल, ब्यांकेट वा निजी घरमै क्याटरिङको व्यवस्था गरिन्छ ।

पार्टीका लागि चाहिने भाँडाकुँडा, फर्निचर, नेपकिन आदि सबै कुराको व्यवस्था मिलाउनुपर्छ । विवाहमा पेयपदार्थको व्यवस्था छ भने ग्लास तथा बार सर्भिसेसमा ध्यान पुर्‍याउनुपर्छ । मेनुलाईर् एक हप्ता पहिले रिचेक गर्नुपर्छ ।

फूल सजावट

फूलको सजावट मण्डप, डोली, गाडी, प्रवेशद्वारमा गरिन्छ । त्यसका साथै रंगोली, झालर तथा वरमालाका लागि पनि फूल चाहिन्छ । जहाँ-जहाँ फूल सजाउने हो त्यसको हिसाब फूलवालालाईर् दिनुपर्छ ।

कस्तो थिममा सजावट गर्ने सजाउने मानिसलाईर् जानकारी दिनुपर्छ । फूलको राम्रो सजावटले विवाहको रौनक बढाउँछ ।

फोटोग्राफी

विवाहमा फोटो खिच्नु आवश्यक छ । विवाहको फोटो अमूल्य सम्पत्ति पनि हो । त्यसैले विवाहमा फोटोको प्रबन्ध मिलाउनुपर्छ । अनुभवी फोटोग्राफरलाईर् यसको जिम्मा दिनुपर्छ । विवाहको सबै कार्यक्रमका विषयमा जानकारी दिनुपर्छ । महत्वपूर्ण कार्यहरूको फोटो खिचाउनुपर्छ । यो काम हेर्न घरकै कुनै सदस्यलाईर् जिम्मा दिनुपर्छ । भिडियोमा कस्तो संगीत राख्ने निश्चित गर्नुपर्छ ।

बस्ने व्यवस्था

विवाहमा इष्टमित्र तथा साथीभाइहरूको घरमा आवतजावत भैरहन्छ । त्यसैले उनीहरूका लागि बस्ने राम्रो व्यवस्था गर्नुपर्छ । जाडो महिनामा ओढ्ने सामग्रीको राम्रो प्रबन्ध गर्नुपर्छ । पाहुनाहरूको सूची तयार गर्नुपर्छ । होटल पहिले नै बुक गर्नुपर्छ ।

यस्तो बेलामा घरमा ठाउँ छैन भने होटल वा आफन्तको घर प्रयोग गर्न सकिन्छ । बस्ने ठाउँमा बिजुली, पानी तथा आवश्यक वस्तुहरूको व्यवस्था हुनुपर्छ ।

दुलहीको सामान

विवाहमा दुलहीको सामान किन्दा विशेष ध्यान दिनुपर्छ । विवाहमा दुलहीको पहिरन व्यक्तित्वअनुरूप चयन गर्नुपर्छ । विवाहमा चाहिने आवश्यक सामानको सूची बनाउनुपर्छ । विवाहका दिन लगाइने पोसाक समयमै खरिद गर्नुपर्छ । पहिरनसँगै चुरा, टीका, झुम्का, औंठी आदि खरिद गर्नुपर्छ । आफूले मन पराएको पहिरनको नाप पहिले नै परीक्षण गरी तयार गर्नुपर्छ ।

गहनाको तयारी

दुलहीका लागि गहना निकै महत्वपूर्ण हुन्छन् । त्यसैले सूची बनाएर राम्रो गहना पसलबाट बजेटअनुसार गहना बनाउनुपर्छ ।

दुलहाका सामान

दुलहाले कस्तो पहिरन लगाउने निश्चित गरी पहिरन सिलाउनुपर्छ ।

टाइपिन, औंठी, सिक्री, घडी र ब्रासलेट दुलहाअनुसार बनाउनुपर्छ ।

साधारण वा पारम्परिक जुत्ता खरिद गर्न सकिन्छ । विवाहपूर्व केश काट्नुका साथै फेसियल गर्नुपर्छ । दुलहालाईर् आवश्यक पर्ने स्याम्पु, सेविङ क्रिम, बडी स्प्रे, मोजा, रुमाल, बेल्ट आदि खरिद गर्नुपर्छ ।

उपहारको तयारी

विवाहमा उपहार दिनुपर्छ । केटाकेटी दुवै परिवारले एक अर्कालाईर् उपहार दिन्छन् ।

विवाहमा क-कसलाईर् उपहार दिने त्यसको सूची पहिले नै तयार गर्नुपर्छ ।

विवाहमा सहयोग गर्नेहरूलाईर् साडी, कुर्ता, गहना, सुट आदि सामान उपहारका रूपमा दिन सकिन्छ ।

उत्सवसम्बन्धी सामान

घरको रंगरोगनका साथै मर्मत-संभार, पानी एवं बिजुलीको बिल पनि समयमा भुक्तानी गर्नुपर्छ । अतिरिक्त काम गर्न आफन्तहरूको सहयोग लिनुपर्छ । घरायसी सामानको सूची बनाएर अतिरिक्त रासन, ग्यास आदि वस्तुहरूको व्यवस्था पहिले नै गर्नुपर्छ ।

मेनुको योजना पहिले नै निश्चित गर्नुपर्छ । आफ्ना बहुमूल्य सामान जतन गरी राख्नुपर्छ ।

रिसेप्सनको तयारी

रिसेप्सनको तयारी पहिले नै गर्नुपर्छ । आगन्तुकहरूलाईर् बसाएर ख्वाउने व्यवस्था पहिले

नै मिलाउनुपर्छ ।

क्याटरिङलाईर् विवाहमा आउने मानिसको सूची पहिले नै दिनुपर्छ । यसो गर्दा खाना खेर जाँदैन । उपहार लिन मानिस खटाउनुपर्छ । रिसेप्सनमा संगीत, बिजुलीका साथै बस्ने ठाउँको पनि राम्रो व्यवस्थ्ाा मिलाउनुपर्छ ।

हनिमुनको तयारी

मौसम एवं आफ्नो बजेटलाईर् मध्यनजर गरी हनिमुनको योजना बनाउनुपर्छ । गाइडलाईर् लिएर यात्रामा जाने भए त्यसैअनुसार तयारी गर्नुपर्छ ।

बाहिर जानुभन्दा पहिले रिजर्भेसनका साथै होटल बुक गराउनुपर्छ ।

ठाउँअनुसार सामानहरू लानुपर्छ ।

हनिमुनका लागि विदेश जाने भए पासपोर्ट, ट्राभल चेक आदि तयार गर्नुपर्छ ।

कानुनी कार्य

विवाह भएपछि विवाह दर्ता गराउनुपर्छ । आफ्नो नयाँ घरको ठेगाना आफ्ना साथी तथा इष्टमित्रहरूलाईर् दिनुपर्छ ।

इन्स्योरेन्स, बैंक एकाउन्ट आदिका लागि थर परिवर्तन गर्नुपर्छ । योजनाअनुरूप काम गरे विवाहका हरेक काम प्रशंसनीय हुन्छन् ।

You cannot be serious!

Total Pageviews

Tuesday, 22 November 2011

MERO LEKHNATH (city of 7 lakes)

Sunday, 20 November 2011

planning for marriage